प्रश्न १ : काही बागांना उपवने ( Botanical Gardens ) का म्हणतात ?
उत्तर : खाजगी किंवा सार्वजनिक उद्याने सभोवतालचा परिसर आनंददायक व्हावा यासाठी निर्माण केली जातात . पण उपवने विविध वनस्पतींचा अभ्यास करण्यासाठी निर्माण केली जातात . या उपवनात परकीय वनस्पती वाढविता येतील अशी हरितगृहे असतात तसेच तेथे प्रयोगशाळा आणि वाचनालयही असते . उपवने सामान्यपणे समाजासाठी खुली असतात . त्यामुळे आपल्या देशात , प्रांतात पहायला न मिळणाऱ्या वनस्पती पाहण्याची संधी मिळते . इंग्लंडमधील Kew Garden हे असे एक प्रसिद्ध उपवन आहे , जेथे अनेक देशांतील वनस्पती आणि वृक्षांच्या खूप जाती पहायला सापडतात . असेच एक मोठे उपवन उटकमंड येथे आहे .
Comments
Post a Comment